בחר פרק (1-91)
ספר הישר - פרק כ״ז
ברכות יצחק
א׳
ויהי כי זקן יצחק ותכהין עיניו מראות, ויקרא את עשו בנו הגדול ויאמר אליו בני ויאמר הנני.
ב׳
ויאמר הנה נא זקנתי לא ידעתי יום מותי, ועתה שא נא כליך תליך וקשתך וצא השדה וצודה לי ציד.
ג׳
ועשה לי מטעמים כאשר אהבתי והביאה לי ואוכלה בעבור תברכך נפשי בטרם אמות, וילך עשו השדה לצוד ציד להביא.
ד׳
ורבקה שמעה את דברי יצחק וידעה ברוח הקודש כי הברכה ליעקב ראויה, ותקרא ליעקב בנה ותאמר לו הנה שמעתי את אביך מדבר אל עשו אחיך.
ה׳
ועתה בני שמע בקולי לאשר אני מצוה אותך, לך נא אל הצאן וקח לי משם שני גדיי עזים טובים ואעשה אותם מטעמים לאביך כאשר אהב.
ו׳
והבאת לאביך ואכל בעבור אשר יברכך לפני מותו, ויאמר יעקב אל רבקה אמו הן עשו אחי איש שעיר ואנכי איש חלק.
ז׳
אולי ימושני אבי והייתי בעיניו כמתעתע והבאתי עלי קללה ולא ברכה, ותאמר לו אמו עלי קללתך בני אך שמע בקולי ולך קח לי.
ח׳
וילך יעקב ויקח ויבא לאמו ותעש אמו מטעמים כאשר אהב אביו, ותקח רבקה את בגדי עשו בנה הגדול החמודות אשר אתה בבית ותלבש את יעקב בנה הקטן.
ט׳
ואת עורות גדיי העזים הלבישה על ידיו ועל חלקת צואריו, ותתן את המטעמים ואת הלחם אשר עשתה ביד יעקב בנה.
י׳
ויבוא יעקב אל אביו ויאמר אבי ויאמר הנני מי אתה בני, ויאמר יעקב אל אביו אנכי עשו בכורך עשיתי כאשר דברת אלי קום נא שבה ואכלה מצידי בעבור תברכני נפשך.
י״א
ויאמר יצחק אל בנו מה זה מהרת למצוא בני ויאמר כי הקרה ה אלהיך לפני, ויאמר יצחק גשה נא ואמושך בני האתה זה בני עשו אם לא.
י״ב
ויגש יעקב אל יצחק אביו וימושהו ויאמר הקול קול יעקב והידים ידי עשו, ולא הכירו כי היו ידיו כידי עשו אחיו שעירות.
י״ג
ויברכהו ויאמר ויתן לך האלהים מטל השמים ומשמני הארץ ורוב דגן ותירוש, יעבדוך עמים וישתחוו לך לאומים הוה גביר לאחיך.
י״ד
ויהי כאשר כלה יצחק לברך את יעקב ויצא יעקב מאת פני יצחק אביו, ועשו אחיו בא מצידו.
ט״ו
ויעש גם הוא מטעמים ויבא לאביו ויאמר יקום אבי ויאכל מציד בנו בעבור תברכני נפשך, ויאמר לו יצחק אביו מי אתה ויאמר אני בנך בכורך עשו.
ט״ז
ויחרד יצחק חרדה גדולה עד מאד ויאמר מי אפוא הוא הצד ציד ויבא לי ואוכל מכל בטרם תבוא ואברכהו גם ברוך יהיה.
י״ז
וישמע עשו את דברי אביו ויצעק צעקה גדולה ומרה עד מאד ויאמר לאביו ברכני גם אני אבי, ויאמר יצחק בא אחיך במרמה ויקח ברכתך.
י״ח
ויאמר עשו הכי קרא שמו יעקב ויעקבני זה פעמים את בכורתי לקח והנה עתה לקח ברכתי, ויאמר עשו בלבו יקרבו ימי אבל אבי ואהרגה את יעקב אחי.
י״ט
ויוגד לרבקה את דברי עשו בנה הגדול ותשלח ותקרא ליעקב בנה הקטן ותאמר אליו הנה עשו אחיך מתנחם לך להרגך.
כ׳
ועתה בני שמע בקולי וקום ברח לך אל לבן אחי חרנה, וישבת עמו ימים אחדים עד אשר תשוב חמת אחיך.
כ״א
ותאמר רבקה אל יצחק קצתי בחיי מפני בנות חת אם לוקח יעקב אשה מבנות חת למה לי חיים, וישלח יצחק את יעקב פדנה ארם אל לבן בן בתואל ויברכהו בברכת אברהם.
על הפרק
פרק זה מתאר כיצד רבקה הלבישה את יעקב בבגדי עשו לקבל את ברכת יצחק, ברכת יעקב, זעמו של עשו, ובריחת יעקב לחרן.